我都數唔到香港七人欖球隊歷來輸過俾宿敵日本幾多次了，2009東亞運、2010、2014亞運同埋好幾年系列賽都只係輸波做「二奶」。
記得前年去咗新加坡採訪香港隊打Asian Sevens Series，一路見住香港隊表現好好殺入決賽，但佢哋又係喺領先嘅大好情況下飲恨輸俾日本。
部份球員，尤其係姚錦成喊咗出黎，我掙扎咗好耐行唔行過去好，但工作關係又喺要趕飛機，迫住都要拿拿臨做賽後訪問，彷彿喺傷口灑鹽：
「香港再次輸畀日本，你有咩睇法？」
「覺得今場輸啲乜？」
「輸咗後黎緊會專注咩賽事？」
當時最後一場帶港隊嘅前任教練Dai Rees都難掩傷感，但仍然好專業同正面回答晒所有問題。
七人欖球項目兩年前被列入香港體院嘅精英項目，經過職業化訓練後，兩年後香港隊喺大球場舉行嘅里約奧運亞洲區外圍賽對日本，今次爭嘅喺2016里約奧運入場券（七人欖球首次列入奧運項目）。
當大家熱烈討論同支持香港足球隊嘅同時，呢邊欖球同樣激烈，無入場嘅朋友仔不忙轉去高清翡翠台，#撐香港隊 吧！
#hkrugby #tvb #tvbsports #hkrugbysevens #rugbysevens #hk #hkig #hongkong #olympics #rio #brazil #2016 #香港加油
Search